Rhaglen Athletwyr Elît - Run 4 Wales (R4W)

Mae ein Rhaglen Athletwyr Elît yn denu athletwyr blaenllaw o bob rhan o’r DU a thu hwnt i gystadlu.

Mae ein rasys elît yn denu athletwyr domestig a rhyngwladol blaenllaw, yn ogystal â chryn sylw yn y cyfryngau.

Mae Steve Brace, Cyfarwyddwr Rasys R4W a cyn-redwr marathon Olympaidd, wedi dylunio cyrsiau gydag amseroedd cyflym a pherfformiad athletwyr elît mewn golwg.

Rydyn ni wedi cynnal nifer o Bencampwriaethau athletau ar draws gwahanol bellteroedd a disgyblaethau gan gynnwys Pencampwriaeth 10KM Cymru, Pencampwriaeth Hanner Marathon Cymru, Pencampwriaeth Rhedeg Llwybrau Cymru, Pencampwriaeth Hanner Marathon Prydain, Pencampwriaeth Hanner Marathon y Gymanwlad, Pencampwriaeth Hanner Marathon y Byd, Pencampwriaeth Rhedeg Llwybrau’r Byd, a Phencampwriaeth Rhedeg Mynyddoedd y Byd.

Mae ambell un o’r pum athletwr cyflymaf yn byd dros bellter hanner marathon wedi rhedeg Hanner Marathon Caerdydd, gan gynnwys Edith Chelimo, sy’n dal y record byd i ferched, a redodd y pumed amser cyflymaf erioed yn y ras, 65:52. Mae athletwyr blaenllaw o Brydain ac Ewrop yn cystadlu yn Marathon Casnewydd Cymru a’n Cyfres 10K.

I gael mwy o wybodaeth am leoedd yn y rasys elît, y gwobrau ariannol a’r meini prawf ar gyfer cymryd rhan mewn unrhyw ddigwyddiad R4W, cysylltwch ag Alex Donald, y Rheolwr Athletwyr Elît.

Cystadleuwyr o Fri

Mae Hanner Marathon Caerdydd, ein prif ddigwyddiad, wedi croesawu rhai o athletwyr elît gorau’r byd a maes cystadleuol iawn yn y ras cadair olwyn. Ymysg y cystadleuwyr o fri mae athletwyr sydd wedi ennill medalau mewn prif bencampwriaethau: